Er du interessert i teoretiske fag og ønskjer å studere ved universitet eller høgskule seinare? Då kan du velje studiespesialisering. Utdanninga er treårig og fører fram til generell studiekompetanse. Du kan òg velje fag som gir spesiell studiekompetanse.
Kvifor velje studiespesialisering?
Dersom du likar å jobbe med teoretiske fag og vil ta høgare utdanning, kan du velje studiespesialisering.
Om du veit kva for utdanning du vil ta seinare, bør du undersøke om du må ha spesielle fag for å kvalifisere deg til studiet.
På vilbli.no og utdanning.no kan du lese meir om faga du kan velje mellom.
Vg1 er felles for alle på studiespesialisering. På Vg2 og Vg3 tilbyr vi programområda realfag eller språk, samfunnsfag og økonomi. Du kan velje programfag frå utdanningsprogrammet medium og kommunikasjon.
Du kan også velje programfag i toppidrett, med fortball, handball, friidrett og e-sport. Vi kan også tilby andre idrettar etter avtale.
Vi tilbyr
- vg1 studiespesialisering
- vg2 realfag eller språk, samfunnsfag og økonomi
- vg3 realfag eller språk, samfunnsfag og økonomi
